Federazioa

Presidentearen Agurra

Ibilbide berria, baina asmo handiko erronka berberak.

Egin berriak ditugun hauteskundeak hautagaitza bakarrarekin amaitu ziren; ondorioz, hautagai hura berehala izendatu zuten. Zuzendaritza-batzorde berrian lau kide berri sartuko dira. Haiei eta gainerako kideei gure ongietorri beroena egin nahi diegu.
Horrekin lotuta, azpimarratu beharrekoa da Euskadiko Futbol Federakundeak Euskadiko futbola haren esanahi zabalean eta osoan ordezkatzen duela. Hori dela eta, lurralde mailako edozein interes albo batera utzi beharko genuke Federakundearen baitan; izan ere, Euskadiko futbolerako asmo handieneko helburuek eta lan komunak izan beharko lukete lehentasunak.
Ofiziozko betebeharrak ditugu; gure gizonezkoen eta emakumezkoen selekzioek, futbol-11koek zein areto-futbolekoek, sakrifizioaren, anbizioaren eta kiroltasunaren erakusgarri izan behar dute.
Gure txapelketa autonomikoak publizitateko, irudiko eta nortasuneko erakusleiho bikaina dira eta gure kirolarien jarraipena egitera, laguntzera eta bultzatzera bideratu beharko genuke gure ahalegina.
Jarduera bakoitzaren lehentasunak koordinatzeko, zentratzeko eta bateratzeko lan-taldeak sortu eta horiek guztiak errealitate operatiboan hezurmamitzen joan beharko genuke.
Euskadiko Futbol Federakundeak bere selekzioak nazioarteko txapelketetan izateko erronka bere gain hartu beharko luke FIFAk ezarritako datetan lehiatzen hasi eta ofizialtasuna lortzera arte.     Lan zaila da. Gure ametsak egia bihur ditzaketen ezaugarri bakarrak batasuna eta irmotasun iraunkorra eta nekaezina dira.

Euskadiko Futbol Federakundea 1988. urtean izan zen eta 1992. urtean bere jarduera hasi zuen, horregatik aurten funtzionamenduaren 25. urteurrena betetzen da.

Hamaikan, Euskadiko zelaietan gertatu denaren edo gertatzen denaren inguruko informazio guztia ematen dizuegu.

Era berean, taldeak, jokalariak, entrenatzaileak, laguntzaileak eta epaileak eskertu eta zoriondu nahi ditugu haien lan eta dedikazioagatik.

Guztiei, eskerrik asko.   

Luis María Elustondo Ciarreta
Euskadiko Futbol Federakundearen Presidentea